"നമുക്കൊരേ ഭാഷയാണ് "
തീവണ്ടിയിൽ എതിർസീറ്റിൽ
ഇരുന്നയാൾ എന്നോട് പറഞ്ഞു ..
ഞാൻ :"അതെങ്ങനെ?
ഞാൻ താങ്കളോട് സംസാരിച്ചതേയില്ലല്ലോ?"
അയാൾ : "ഇല്ലേ? നിങ്ങൾ കണ്ണുകൾ കൊണ്ട് എന്നോട് സംസാരിക്കുകയായിരുന്നില്ലേ .."
ഞ :"താങ്കളെ ഞാൻ നോക്കിയതുപോലുമില്ല "
അ: " അപ്പോൾ ഹൃദയം കൊണ്ടായിരിക്കും. "
ഞ : " ഹൃദയമിപ്പോൾ എന്റെ ഉടമസ്ഥതയിലില്ല.
അതിന് സംസാരശേഷി എന്നോ നഷ്ടമായതാണ് "
അ: " അപ്പോൾ നിങ്ങളുടെ ഭാഷ? "
ഞ : " മൗനം! എന്റെ മൗനം താങ്കൾ ഭേദിച്ചിരിക്കുന്നു. "
അ :" ഇല്ല... അതിന് ഞാൻ നിങ്ങളോട് സംസാരിച്ചതേയില്ലല്ലോ. "
ഞ :" ഇല്ലേ? കണ്ണുകൾക്കൊണ്ട് നിങ്ങളെന്റെ മൗനം ഭേദിച്ചു. "
അ : " ഇല്ല..ഞാൻ നിങ്ങളെ നോക്കിയതുപോലുമില്ല"
ഞ :" അപ്പോൾ ഞാൻ കേട്ടത് ഹൃദയത്തിന്റെ ഭാഷയാണോ? "
അ : "അല്ല.. ഭേദിക്കപ്പെട്ടു എന്ന് നിങ്ങൾ പറയുന്ന മൗനമാണ്
എന്റെയും ഭാഷ!! "
ഞ: " ആണോ?
ശരിയാണ്.. നമുക്കൊരേ ഭാഷയാണ്!!"
